انتي مصيبه

موضوع: انتي مصيبه الأحد ديسمبر 07, 2008 3:30 pm

انتَ مو كلش حلو وذاك الجمال
ورغم هذا الناس متعجبة عليك ..
وانتَ لو مريت يمنه بفرد يوم
صدّكَ الوادم زحف يمكن تجيــك ..
أنتَ واحد صدكَ بس فد شكل خاص
من تحل الشعر تخلسنه خلــس ..
وانتَ ماتدري من اشوفك من بعيد
انسطر واليوم حسبالي امس ..
واليباوعلك بعد لا ما يشوف
اشلون يشوف وهوَ باوع للشمس ..
عمي لا تطلع بعد خايف عليك
اللي مثلك كون ابد ما ينلمس ..
يلي حته اعيونك تباوع عليك
ويمكن شفافك تريد تبوس اديك ..
انتَ ضيم اسود نزل من السماء
شنهي فلمك كون طركَاعه التجيك ..
شنهي فلمك غير شايللك جمال
اذا حتى مرايتك داخت عليك ..
وانت واحد ماكو مثلك بالبشر
ويمكن انتَ مو بشر انتَ ملَك ..
واعتقد ربك خلق نصّك جمال
ونص جمال الكون خلَاه بس الك ..
مدري شنهي شلون شايل هالعيون
اذا بس يفتحن ايذبن فلـــــك ..
انتَ خلك لا تجي واحنه نجيك
خلهم يشبعون من عندك هلك ..