ناكر المعروف

موضوع: ناكر المعروف الأحد ديسمبر 07, 2008 3:35 pm

أكو أنسان راسه ايدنگه للذله
وعمره اعله المذله للأسف يبني
واكو اتخاف المذله توصل الراسه
لأن فوگ الكرامه راسه ثق مبني
وانه كلي كرامه وتعرگ الگصه
وكل عطر الشهامه ينبعث مني
وانه نفسي عزيزه وما أطخ الراس
وانته اول العالم ولك تعرفني
احمل ذبح سيف اوضربة الجلاد
ولا احمل أبد كلمات تذبحني
منك بيك انه وللأسف والله
أمنتك ابسر ي اشلون تفظحني
وانه السويت دمعي الجرحك اضمادات
اشلون انطاك گلبك أنته تجرحني
ضنيتك تصير السيف بالشدات
بدي مو بالظهر طعنات تطعني
ابصعباتك ابد ما خاذلك مره
وانه ابسهله ولك ليش انته تخذلني
يا ناكر وگفتي اوناكر الطيبه
امن الگصه معانيك خلن ذني
ما اعتب عليك الذنب مو ذنبك
الذنب ذنب الضنون الخيبت ضني