هذه القصيده للشاعر العراقي المبدع الشهيد رحيم المالكي يخاطب فيها احدى أصحاب الملاهي وهي المدعوه (حسنه ملص)ويشكو من عدم وجود اشرف منها في الحكومه كي يخاطبه فخاطبها قائلآ00000000000000
ياهو المنج أشرف خاطر احجيله ددليني يحسنه وباجر أمشيله
أمشيله وسولف كل حجي المضموم كبل حفاي كالو هسه ماكو هدوم
بيت من القنابل والقصر مهدوم وحكومه بلا حكومه بغير تشكيل
تنازع على الكراسي والشعب حفاي وبشرك لا غذاء لاكهربا لا ماي
أحنه اهل النفط والكاك عد زلماي يا (حسنه) الحكومه تكدر تشيله
حكومة الرشيده ليش هل التاجيل مو مطرت علينه من السما سجيل
بلوة احنه بتلينه قابل اهل الفيل اي موذاك أبره خلو يرد فيلــــــه
جوعنه ابره والجوعه بالكفار خمس أسنين أسمع ما أشوف اعمار
بس بعض الحكومه اصبحو تجار بهاي اشهد ي(حسنه ) بيوم وبليله
تجار الحكومه والشعب عمال وياهو الي يجي باجر يغير الحال
من هاي السوالف حميلنه جمال اذا ينعدل وضعه ينعدل ذيله
حكومة الرشيده ليش هذا البوك تره لهذا الشعب قد ما تضيع احكوك
باجر بنتفاضه نشك جثير احلوك عرفنه الباكنه ونعرف اليوميله